ബെംഗളൂരു: ഐഎസ്എല് പ്ലേ ഓഫില് ബംഗളൂരു എഫ്സിക്കെതിരായ മത്സരത്തില് പ്രതിഷേധിച്ച് മത്സരം പൂര്ത്തിയാക്കാതെ ഗ്രൗണ്ട് വിട്ട കേരളാ ബ്ലാസ്റ്റേഴ്സിന് പിഴ ചുമത്തിയേക്കും.
സംഭവം ചര്ച്ച ചെയ്യാന് അഖിലേന്ത്യാ ഫുട്ബോള് ഫെഡറേഷന് (എഐഎഫ്എഫ്) അച്ചടക്ക സമിതി ഇന്നലെ യോഗം ചേര്ന്നിരുന്നു. യോഗത്തിലെടുത്ത് തീരുമാനപ്രകാരം ബ്ലാസ്റ്റേഴ്സിന് ആറ് ലക്ഷം രൂപ പിഴ ചുമത്തിയേക്കുമെന്നാണ് പുറത്തുവരുന്ന വിവരം.
ഇരു ടീമുകളുടെയും വാദം കേട്ടശേഷമാണ് സംഭവത്തില് ഫെഡറേഷന് അച്ചടക്ക സമിതി നടപടിയെടുത്തത്. ബെംഗളൂരുമായുള്ള നോക്കൗട്ട് മത്സരത്തിന്റെ
എക്സ്ട്രാ ടൈമിന്റെ ആറാം മിനിറ്റില് ബ്ലാസ്റ്റേഴ്സ് ബോക്സിന് പുറത്ത് ബംഗളൂരുവിന് അനുകൂലമായി ലഭിച്ച ഫ്രീ കിക്ക് ക്യാപ്റ്റന് സുനില് ഛേത്രി ബ്ലാസ്റ്റേഴ്സ് താരങ്ങള് തയാറെടുക്കും മുമ്പെ അടിച്ച് ഗോളാക്കിയതാണ് വിവാദമായത്.
റഫറി ഈ ഗോള് അനുവദിച്ചതോടെ മത്സരം പൂര്ത്തിയാക്കാതെ ബ്ലാസ്റ്റേഴ്സ്് ഗ്രൗണ്ട് വിടുകയായിരുന്നു. ബ്ലാസ്റ്റേഴ്സ് മത്സരം പൂര്ത്തിയാക്കാതെ ഗ്രൗണ്ട് വിട്ടതോടെ ബംഗളൂരുവിനെ വിജയിയായി റഫറി പ്രഖ്യാപിക്കുകയായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
